Saturday, February 17, 2018

圖書館借來的書 (W6)


《We Are the Dinosaurs》其實是一首兒歌,然後寫成書。歌手 Laurie Berkner 被稱為美國的兒歌天后。(!)其實她是我以前同事的女兒。小豬 baby 時已經開始聽她的歌,十分喜歡。大推薦!!這本書沒甚麼特別,但小豬很喜歡因為他很喜歡 Laurie!他說想見她真人和去她的演唱會!(!!)

*

繼續借 Elephant and Piggie 系列。小豬特喜歡《I’m a Frog》。

*

《Journey》、《Quest》、《Return》是三部曲無字繪本 by Aaron Becker。畫風老實不是我杯茶,但我是特喜歡無字繪本的。而這三本的「故事」是奇幻和充滿想像力,是我喜愛的類。知道這三本已很久,但之前給過小豬看他沒興趣。前一排在書店見到他一看之下就被吸引住,連續三本睇曬。他最喜歡最後的《Return》。

*

Flora 系列也算受歡迎吧,但也不是我杯茶。所以遲遲都沒借過。但有時我不喜歡不代表小豬不喜歡呀,所以盡量受歡迎都借來看看。這個系列好似全部都睇過。有些在圖書館看一次就沒有借回家。小豬都ok喜歡。

(其實每次借的書都是經過小豬篩選過才可借的。多數會在圖書館看一次。他會否決我某些hold定了書的。)

*

下邊那本Cat書也是一個系列,有好幾本的,這本應該是最後一本未睇的。整個系列都幾可愛和搞笑的。

#4Y9M
#這是上星期借的書

Friday, February 16, 2018

新年快樂


幾年前買的利是封。好靚~~ 但好貴,所以只(捨得)買幾個。之後每年 recycle 給亞仔嗰兩個。


年初一晚餐:雜菜豬排意粉;(亞媽的)蓮藕湯;(韓國造的)梅酒。亞媽我好亂啊~


今個新年乜都冇預備啊。(往年見到桔都會買啲擺下,奇怪今年冇見到喔。)今日在超市見到啲鬱金香幾靚就買啲增添一下氣氛啦。(?)🌷🌷🌷


亞仔病了成個星期,終於趕到年晚好返。感恩。呢個星期我快往生了。(最恐怖事件之後又多件「傑撻撻」既,半夜嘔在我床上⋯⋯ 🤦🏻‍♀️)大年初一謝絕邀約,在家頹廢。好開心。哈哈。


#不過明天又要忙了

Thursday, February 15, 2018

圖書館借來的書 (W5)


Yellow Kayak》好靚啊~~ 充滿詞意。Melissa Castrillon 是我最近新愛的繪畫家!啲畫好靚好靚,好 dreamy。她跟作者 Nina Laden 之前已合作過一本叫《If I Had a Little Dream》,我馬上愛上即刻購入。Castrillon 的畫風跟 Laden 的詞真的是絕配啊!小豬說他比較喜歡《Yellow Kayak》,所以應該會買。

Mo Willems 的 Elephant and Piggie 系列在小豬三歲幾時已深受他喜歡;有幾個月時間他很迷。那時雖然似懂非懂但成日都笑到卡卡聲。最近在圖書館見到,熱潮又回來了!我們都有買了些。

Patrick George 的膠片書(左下兩本),我們有本《Oh No!》有天小豬指著其他話要看,在圖書館只找到兩本西班牙語的,照殺!因為其實字不多所以ok的。

《The Black and White Factory》我覺得麻麻,但小豬話好好睇。


#4Y9M
#其實這是上上星期借的書
#每個星期都update原來真的不容易啊
#不過我會努力啦💪🏻

Saturday, February 10, 2018

恐怖事件

今日經歷了人生最恐怖事件。

為人亞媽就快五年,其實有乜風浪未見過?恐怖嘢?嚇我唔到既⋯⋯ 但今日,我的天啊~~ 沒有更恐怖的了吧!

係咁的。小豬應該中了 norovirus,冇胃口食嘢,痾左幾次,好唔舒服咁,但條友係唔肯訓低休息嗰種!!咁我咪話不如同媽媽去沙發躺一躺,(係,其實係亞媽很想躺⋯⋯)我一躺下,他坐在我身上還未躺下來,我就見到他⋯⋯ 我好想避開但他坐在我身上呀~~

請想像有人用一桶水迎面倒落來,只不過嗰桶唔係水,係嘔吐物。🤮 係好多好多好多~~

我一半身、臉!!都係!!嘴都有!!(實中招啦⋯⋯)沙發呀 cushions 呀 blanket 呀地上呀都係⋯⋯ 我完全動彈不得,只能呼叫「救命啊~~」

好在好在,我男人在家。首先佢要搬走小豬,一邊搬一邊還在吐⋯⋯ 他已經幾餐沒怎麼食嘢,唔明點解可以吐怎麼多出來。

搬走小豬,我從嘔吐物中站起來⋯⋯ 那刻真的很迷茫不知做甚麼好⋯⋯ 好想衝入一個消毒機徹底將整個人清潔消毒。

回到現實。我唯有死去浴室,把自己由頭洗到落腳。

腦海裏一直浮現嘔吐物淋落來的景象。想起我已經想嘔。

之後還要清理⋯⋯ (雖然男人已經把最恐怖的清理掉⋯⋯)那個味,又是很令人作嘔⋯⋯


#以前小豬baby時啲屎爆到整個背部我都覺得等閒事把件衫掉了就是了
#小豬也試過半夜嘔到成床都係但我沒事呀清理就係啦
#都試過出門前小豬嘔奶在我身上但數量係天差地別
#嘔奶和嘔吐也是兩回事
#我真係見過好多風浪㗎啦~~
#有圖片但我驚會嚇親人所以冇貼到

Friday, February 9, 2018

THE LiON AND THE BiRD


“THE LiON AND THE BiRD” by Marianne Dubuc

I’m a big fan of Ms Dubuc! I love all her books! But this one has a special place in my heart. 💗



It’s about kindness, friendship, and bonding... 



it’s about to meet, to depart, and to meet again... 


it’s about being alone and being together... 


it’s about the wonders of changing seasons...


 it is, really can warm your heart...💙💚💛🧡


很溫暖的小故事。

Tuesday, February 6, 2018

圖書館借來的書 (W4)



看完《The Curious Garden》後,小豬望著最後一版,吸了口氣:「我真係好想去呢個 curious garden 睇下啊⋯⋯」

我心裡有點驚訝,他從來沒有這樣的要求,「你點知真係有一個咁既地方?」


+

媽媽會帶你去的。
一定。

#4Y9M

Tuesday, January 30, 2018

“The Long, Long Line”


"The Long, Long Line" by Tomoko Ohmura
*
中文版是《到底在排什麼呢?》(大村知子著)







*
50 animals are lining up, what are they up to? Is the wait worth it?
*
This book was one of my son’s favorites for couple of months before it faded off. We had both the Chinese and English versions from the library. He likes the Chinese version better, but he memorized the entire English text quickly and often read it to himself. He also learned how to play the “word game” from this book, and for a couple of months we were playing that game (in both Cantonese and English) almost everyday.


#太懶照抄在IG寫的算了
#如果唔係應該拖拖下又沒一回事

Sunday, January 28, 2018

2017 成長回顧


(終於趕到一月完結前寫完⋯⋯耶~~)

2017 年,小豬在成長方面有種突飛猛進的感覺。來到年尾,真的覺得,哇,真的大個仔啦!好不同啊!要記錄下去年的轉變。
  • 不再用 high chair。
  • 從床仔轉了大床。
  • 站著 pee pee。(出街最正!)
  • 基本的自理可以自己做;例如穿襪子、鞋、衫褲;食嘢不需幫忙。
  • 會開始幫媽媽做下家務。
  • 肯每日刷牙兩次,每次指定至少兩分鐘(他自己要求的),用牙膏和牙線(牙線又是他要求的)。但個過程絕對係痛苦的嗚~~ 由肯刷牙,到肯用牙膏牙線,到肯早上也刷⋯⋯ 經歷大半年的哭鬧⋯⋯ (對媽媽來說很大的磨練。)
  • 大膽左,好多!以前他絕對是一個過份謹慎、膽小的小孩。但在他約四歲時,我覺得他忽然 came out from his shell。是忽然間好多之前不肯不敢做的就敢了。例如開始爬高爬低;滑滑梯;盪鞦韆。也沒有那麼怕陌生人。
  • 踩 scooter 踩得順心應手,開始向單車進發。
  • 克服不少對「髒」的恐懼。
  • 從年頭只是識講幾句英文,年尾已經可以講得很不錯了。(不過廣東話講得更好。)
  • 年尾時有日忽然開始不用叫也自己收拾玩具!!(!)之後還不停跟我說,「其實執玩具都係玩既一種即⋯⋯」雖然現在不是次次都會執,不用叫,但跟之前真的不同了,知道是自己的責任。多數都會做。(媽媽表示很欣慰,叫了幾年終於有出頭日了⋯⋯)
  • 食嘢方面:完全係脫胎換骨呀!!(!)終於開始肯食嘢啦~~ 〔散花~~ 拭淚~~〕2017年四月!在他四歲開始,亞媽嘔血嘔左四年,個仔終於終於開始食嘢啦~~ 〔激動〕也開始慢慢願意試新食物。
  • 不但如此,十二月頭,他忽然宣佈他以後食嘢時都不會睇 iPad 了。〔跳起歡呼~~〕(係,自兩年前開始,小豬每日有一餐可以一邊食一邊睇 iPad。條件是:有客人或外出不可以睇。)
  • 現在食嘢方面真的不需要勞心了。雖然不是那種給甚麼就食甚麼然後甚麼都話好好味的天使為食小孩,但如果你見識過他以前是怎樣(不)食嘢法,現在可以稱為天使了。亞媽我不貪心,他肯食,就得啦!我已經超級感恩了。
  • 以前完全不肯食生果的,今年慢慢開始食幾樣了。暫時肯食:富士蘋果,菠蘿;有時肯食香蕉,strawberry,blueberry,和 raspberry。都有試過橙但不喜歡。
  • 睡覺方面:完全不需要午睡了。雖然還是不喜歡睡覺,但沒有以前那種「每。晚。都。要。鬧。幾。回。合。才。肯。罷。休。」的恐怖了。從以前的需要1-2小時才能入睡,現在(在正常情況下)半小時都可以了。雖然離 perfect sleeper 八萬九千里,但至少他沒有(太過)折磨我。想以前~~ 每次搞完他睡覺我是筋疲力盡的呀。(完全不午睡對他的睡眠是好左。)
  • 經過年半,終於(在年尾)可以對「亂發脾氣期」say good-bye 了~~ 〔拭淚~~〕
2018,小豬要讀小學了(讀幼稚園)~~ 所以今年會有很大的轉變吧。今年我微小的願望是:請給我多點時間。

#4Y9M

Thursday, January 25, 2018

圖書館借來的書 (W3)


  • Pierre the Maze Detective: The Search for the Stolen Maze Stone》:​ 因為之前借了同系列的太好睇和玩所以借埋呢本早期啲既。除了迷宮還有好多嘢搵,有puzzles,要捉賊破案之類⋯⋯ 其實係給大啲年紀玩的,但小豬中意玩個迷宮和搵嘢。(好想買)
  • The Bear's Song》&《The Bear's Sea Escape》: ​ 又係之前借了同系列的最後一本,啲畫好靚啊~~ 好多細節。呢兩本係早期的,講熊爸爸找熊寶寶;第三本講熊寶寶找熊爸爸⋯⋯ (又想買)(但買三本好貴呀)
  • Busy Bunny Day》: 又係搵嘢。小豬至愛。
  • E-Mergency!》: 上次借了「Zero the Hero」小豬甚愛,就借埋呢本同作者,類似的。我覺得麻麻,但亞仔表示好中意。
  • Chirri & Chirra》&《Chirri & Chirra in the Tall Grass》: 呢兩本(其實第三本都出了,我hold左仲等緊)其實我好久之前已經在書店見過,但次次小豬都沒興趣看。但最近我終於自己看了次,(因為被繪畫吸引,)覺得好靚呀~~ 所以唔理都hold左。拿到時小豬望了望話唔借呢兩本!後來我苦口婆心(!)勸佢望下啦望下啦好好睇㗎⋯⋯ 佢終於肯,然後好中意。哼。暫時呢兩本係睇得最多的。​(媽媽表示很想擁有⋯⋯)
  • Pomelo's Big Adventure》: 畫幾得意,故事也算不錯,但就好似欠缺甚麼,看後沒甚麼感覺。(已還了。)
  • Ada Twist, Scientist》&《Motor Mix: Emergency》: 呢兩本之前都有借同系列的,因為中意所以借埋。

今期好多本都想買啊~~ 〔掩面〕小豬也叫我買呢本嗰本咁。但 cheap 媽媽話,好啦,等你借三個月後仲中唔中意啦,如果真係好中意就買啦⋯⋯ 我諗呢度至少買兩、三本⋯⋯


#每個星期用咁多時間寫個list我應該last唔到落去⋯⋯

Blueberries



小豬開始肯食 strawberry 和 blueberry 了!〔耶~~〕

有日給他吃時他跟我說:「媽媽呢啲 blueberries 好好味啊⋯⋯」(因為唔好味就唔食⋯⋯)

我話:「係?可唔可以畀粒媽媽試下?」(因為其實每次買既 blueberries 都可以味道不同。有時好食有時不。)

小豬遞左粒給我:「媽媽我揀左呢粒最大粒既畀你。大粒嗰啲好味啲㗎。」

媽媽內心好滾動啊~~

💓💓

#暖男
#4Y9M

Wednesday, January 24, 2018

小豬的便當盒



今個學年開始,小豬在學校食埋午餐才回家。學校提供的午餐很健康的,每日自己煮,好多時小朋友都會一起參與。

小豬由開始食很少很少,現在都會食下;但不合胃口他還是不會食,所以我接他時會預備一份 snack bento box 給他。當是練習定明年小學帶 lunch box 吧。

Facebook page & Instagram 會 update 得比較密和有寫是什麼食物。