Friday, June 23, 2017

大中小學

爸爸:「XXX啊,大學係點㗎?」(XXX=中文名)

小豬:「好大~」

爸爸:「小學哩?」

小豬:「好細~」

爸爸:「中學哩?」

小豬:「講中文~」

Tuesday, June 20, 2017

執壽司盒

昨日終於頂唔順小豬廚房張檯,亂到癲,我就幫佢執下佢。但佢既壽司盒我係亂咁掉曬啲嘢入去就算。

佢見到就話:「媽媽你都唔識執啲 sushi 既!」

我:「係啊媽媽唔識㗎。最好你自己執啦。」

小豬:「Yo 姨姨都唔識執⋯⋯」

我:「噢係咩,咁每人有每人既執法㗎嘛。」

小豬:「但 Yo 姨姨都擺得靚既,媽媽你就擺得唔靚囉⋯⋯」〔哼〕

我:「吓~~~ 咁你擺得呢?」

小豬:「我梗係擺得 super 靚啦~~~」(!)


+


註一:Yo 姨姨前一排來我們家玩,有幫小豬一齊執廚房。平時唔畀人掂佢既壽司盒但肯畀 Yo 姨姨執喔。Yo 姨姨問佢擺得啱唔啱,佢答唔啱,但Yo 姨姨既擺法「都係一個 good idea」既。(Yo 姨姨話返我聽⋯⋯)

註二:小豬既壽司盒,收到後開始嗰個月係日日都要整幾次壽司我食。(好飽。)玩完後通常都會執返好啲嘢,之後佢就自己 develop 左一個擺法,然後每次一定一定要同一個擺法!一定要自己擺。(當然試過自己擺得唔好就發曬脾氣啦。)

Monday, June 19, 2017

瞓覺係需要咪埋眼的

今晚小豬睡落床不夠三分鐘又來:「媽媽我瞓唔著啊⋯⋯」

我又係嗰個答案唧:「你有冇咪埋眼啊?」

「冇⋯⋯」

咁我唯有話:「你唔咪埋眼又點會瞓到呢?如果你唔咪埋眼唔該你唔好同我講你瞓唔著,唔咪埋眼梗係瞓唔著㗎啦~~」

然後佢都係嗰句:「我咪埋唔到隻眼~~」但又說:「媽媽你係咪話如果我咪埋眼都瞓唔著先可以同你講我瞓唔得啊?」

Bingo!有冇咁難明啊~~

然後奇蹟出現左⋯⋯ 雖然之後佢都有碌來碌去,慘叫幾聲,再講多次佢瞓唔著⋯⋯ 但之後十五分鐘係瞓著左!!!

我完全感到睡眠之神既眷顧!!可能實在太可憐我了。平時這人係需要45-90分鐘才瞓著㗎!!(係,你冇睇錯。)你可以想像到我那段時間坐在黑暗中係點過嗎?!如果可以安靜地呆坐都算啦,係會被不停疲勞轟炸的!!

所以今晚15分鐘瞓著係光速來㗎!我出到來心情超級的靚。然後感到 the night is still young!Yay!

#然後好有心情打左呢篇
#不過我知道好運只是曇花一現

Friday, June 16, 2017

無奈

前幾日小G媽問我,你近來有冇留意 news 啊⋯⋯

唔係好知點答。

新聞有留意,但好多啲內容我唔敢睇。驚爆血管。同埋我仍在 denial mode,唔好同我提嗰舊橙色東東(!),我當佢隱形。(可以嗎?)

Anyhow,想講今日啲新聞撇除舊橙色嘢都好 depressing:

1)Wholefoods 畀人買左(仍不能接受⋯⋯)
2)又一單「警察殺黑人」無罪(我男人說:「你想點?你畀陪審團決定就一定係咁啦。有邊個定到罪㗎?」Well,我好想保持天真啲。)
3)居然有7%既美國人,(係一千六百四十萬人啊!)認為朱古力牛奶係由 brown cow 而來。(一齊嘆口氣。)(你而家明點解會有人相信一舊橙色東東喇掛?)

唉。

#幾時先到2021

60-Piece Jigsaw Puzzle


星期三學校有 party,每個小朋友都收到份禮物。打開是份60塊的拼圖。小豬見到其他幾個小朋友拿著24塊的,就跟我說:「媽媽我覺得佢地嗰啲好簡單,得24塊。」


星期四放學食完午餐馬上話要砌,唔要媽媽幫手,看也不可以,媽媽走開。第一次真的是完全自己砌新開的拼圖,45分鐘搞掂。

#4Y1M

Thursday, June 15, 2017

友愛


前天在動物園的 playground,亞媽我終於可以「放野」小豬了~~ 雖然因為有朋友仔小G帶著⋯⋯ 但我也感到老懷安慰(?)了。

從旁見到他倆的互動,覺得很有趣。

小豬一直不肯滑一個 tunnel slide;小G不停地鼓勵他,示範了幾次給他看。很有耐性。

我估小豬是想但又怕。他一直趴在上面但不敢。(如果他不想試他不會上去。)後來我提議小G跟他一起滑落去,他才肯。

之後小豬想試多次,小G就拖著他的手一起去。有點感人呀!(!)

Tuesday, June 13, 2017

咪眼

每晚。

小豬睡落床不夠三分鐘:「媽媽我瞓唔著啊⋯⋯」

我:「你有冇咪埋眼啊?」

小豬:「冇⋯⋯」

我:「你唔咪埋眼又點會瞓到呢?」

小豬:「我咪埋唔到隻眼~~」

然後不停 loop。

(當然還有好多其他煩嘢⋯⋯)


#4Y1M
#不喜歡睡覺的小孩

Sunday, June 4, 2017

除褲。Hiking。

今日飲完茶見到天氣勁靚馬上即興去 Glen Canyon Park hiking!但去到後有人借題發揮發脾氣扭左好耐。我說如果你不想 hiking 的話我們就回家;但他堅持要,不過要等他開心返才開始。

哭呀哭,哭左很久。我說如果再不開始行的話就趕不及了,不如回家吧。

然後某人就哭著表示可以開始⋯⋯ 但忽然說要除褲行。爸爸說怎麼可以呢醜死怪。但我說,你喜歡除褲行就除褲行囉。還幫他拉褲子下來。〔哼〕



他就這樣行呀行⋯⋯ 然後表示很難行。〔廢話〕

我說那你要不要拉返褲子上來呢?

當然答好啦。

+


不過最後有開開心心的上山落山的。他真的很喜歡 hiking。

+

Glen Canyon Park 其實我們還是頭一次去。雖然在三藩市內,但你會以為去了郊外深山。太喜歡這個城市了。

Saturday, June 3, 2017

秘密花園

真的很美。

去植物花園很多次,但還會時不時就有驚喜,發現未去過的秘密處。

逛植物花園最好的方式是,不要看地圖,不要走大路,專走小路,隨著心意想怎樣走就怎樣走。

我現在都叫小豬帶我走。

春天的景色是特別的美。花朵都開得很燦爛,甚麼顏色都有。

+

最近終於申請了植物花園的 membership。其實三藩市居民是免費的。但每次去都得到很多快樂,是要支持一下,讓更多人可以享受這種快樂吧。

很慶幸這個城市有這樣的寶藏。很幸福哦。

Friday, June 2, 2017

爬樹。轉變。


一向驚驚青青的小豬,今日超反常的一見到樹幹就爬上爬落。其實是幾高下,不是沒有危險的。講真我希望做到一個 free-range 媽媽,但我可以話你知我係有擔心的;但我會克制自己不干預。但但,有些危險位我還做不到遠遠站著,我有過去站在旁邊,如果掉下來我都可以拉他一把吧。〔笑〕

睇返照片,有些拍到他的樣子超自豪的。嗯,感覺是大個仔了。媽媽心裡也有點自豪啊。

#4Y1M

Thursday, June 1, 2017

第一次搭巴士!


今日第一次帶小豬搭巴士去植物公園,還要轉車!!要知道我是十世未搭過巴士的!!我妹說「母愛真的好偉大!」(真!!)

小豬說心情既緊張又興奮!!去到植物公園行一陣就話累要返屋企!!我睇係想再搭巴士吧?!下次不如就不停搭巴士算了。



#我被巴士拋落地好樣衰啊
#車房門壞了車子出不來而某人堅持要去植物公園才去搭巴士的
#今日好順利不用怎樣等巴士又沒甚麼人好奇怪呀