Thursday, June 27, 2013

知唔知成日要揹住小豬,除左腳會跛,冇啖好食,最大隱晦係咩?。。。人有三急,沒有辦法啦。唯有暗求啲臭氧唔會整醒小豬囉。

Wednesday, June 26, 2013

半夜餵奶時居然見到隻蚊大膽在我玉腿上搵食!!一手抱小豬,一手擊掌下去。手和腿都是鮮血。(家裡仍受蚊災困擾,已數不清身上有幾多蚊lah。)

Monday, June 24, 2013

昨晚奇蹟出現了!小豬從九點睡到今朝九點!!(有餵奶三次。)雖然9:30醒過哭了一陣,10:15才放落床。但之前未試過十二點前放落床係唔再醒再哭閙的。又,根本我們好少機會有在十二點前放他落床。因為幾乎每晚十至十一點,無論睡著或醒著,他都會忽然痛哭起來,多數鬧到一、兩點才可放他落床。

Friday, June 21, 2013

以前小豬一張開眼就喊。呢個星期,我每日張開眼,望下個仔,就見到佢眼仔碌碌望住我,(可能佢有 make 啲 noise 所以我醒左。)見到我望佢,就會對住我 笑!馬上忘記之前嗰晚佢既扭計樣!!

Tuesday, June 18, 2013

上個星期仲好抗拒出街的我,今日已經自己揹住小豬去街!哇,好叻呀我!

Tuesday, June 11, 2013

其實 baby colic 唔係大問題,問題係個 colic hours 唔好 start 喺 10-11pm 就謝天謝地了!!

Friday, June 7, 2013

轉左三個鐘才餵一次奶,感覺輕鬆左好多。(好自然地 transition 了!)之前會覺得不停地在餵奶!
Just when I think I already had the worst night...

Wednesday, June 5, 2013

冇既,有時當你接受左現實,其實又唔係咁冇出路既。係囉,接受左個仔就係唔會自己瞓低,要整日揹住架喇。以前會幻想個仔午睡時我都有好多時間用唧。幻想破滅難免低落了數天。唔習慣被另一個個體綁住嘛說穿左咪就係咁囉。但其實接受左,揹住佢都做到唔少嘢嘅。。。例如(prepare)煮飯!!

Monday, June 3, 2013

Everyday I pray for a miracle.

Sunday, June 2, 2013

我鄭重重申我對生仔的看法:可以的話不要生。一定要,一個是極限。(生前生後沒有變,只會更肯定!)