Thursday, July 31, 2014

非常任務

這個星期沒很冷,所以夜晚都沒有給小豬房間開暖爐。

但昨晚臨睡時見到個氣溫偏低;加上昨天他不停打噴嚏,就覺得還是開好點吧。雖然我們是從來不敢在小豬睡著後進他房間呀。試過一、兩次,他都醒來然後狂哭。

這麼艱巨的任務我不敢交給男人去做,唯有自己來。

我在門口除了拖鞋,輕輕打開門,踏一腳進去,按個掣,轉身關門。

需時一秒吧?

回到我們房間,望著個 baby monitor 的男人說:「他激動地大翻三次身。」然後我見到小豬仍在床仔典來典去!

唉,他又怎麼知呢?那時他已經睡著三個多鐘啦。

雖然是成功了,但仍好怕進去呀。

8 comments:

  1. 你點哄佢訓架?我個B七個幾月仲要用carrier哄佢訓. 我唔敢由得佢喊。一個人湊B真係好辛苦啊

    ReplyDelete
    Replies
    1. 而家唔會點哄架啦。睡前會有固定routine,做完就放他落床仔然後走。有時會哭,但由他囉。通常哭一下就睡了。

      其實這個問題唔係三言兩語就講得清。有時間我都想寫下我仔既睡覺麻煩,因為而家真係輕鬆好多。我是用carrier揹他午睡到七個月,然後CIO。晚睡一直係我老公哄的,好辛苦。多數成個鐘。我搞唔掂。後來好似到九個月晚睡都CIO。但如果你想行呢條路,真的要想清楚,要好好計劃好,有曬心裡準備先好做。

      另我覺得,七個月大可以讓他哭了。(咁可能我個仔頭三、四個月已經哭到天崩地裂,而哄睡覺就算抱著也是哭。)你咁樣落去,只會等到有一日你頂唔住,又係要讓他哭。講真,他不會無端端忽然唔需要你哄就自己睡的。不過你也可以留意下,你個B識唔識自己睡。

      Delete
    2. CIO 是什麼??試過放佢喺床佢即刻翻身,唔訓。喊過幾分鐘但我頂唔順投降了⋯

      Delete
    3. CIO stands for "cry it out." Not just let the baby cry few mins, but cry till he stops. It's one of the methods to train babies sleep. You can read more about it here:
      http://www.troublesometots.com/cry-it-out/

      (I think I had read all the articles 10 times.)

      幾分鐘其實真的好少。小朋友讓他哭下唔緊要的。如果他慣了你抱他睡,又怎會那麼容易放他落床他就肯﹖除非你想一直抱下去,他不會忽然有一天不需要你抱的。

      Delete
    4. 今個星期五開始試吓!

      Delete
    5. 嗯,你睇多D,了解多D先做啦。如果唔係唔會成功的。例如,如果個B哭左一個鐘都
      唔停你會點﹖兩個鐘又會點﹖要做CIO係唔可以返轉頭的。如果唔係白哭。

      Delete
    6. 好的。你會唔會幫小豬申請香港身份証呀?

      Delete
    7. 哈哈。沒有想過呢。應該唔會囉。(如果需要應該可以隨時申請的吧。)

      Delete