Thursday, February 11, 2016

Days of the Week 底褲仔


當初買呢套底褲仔俾小豬時其實並不十分喜歡,一來唔覺得得意;二覺得,唔通每日都跟住星期幾來著咩?低唔低能啲啊?(!)

但相對上呢套比較便宜,我本諗住買來做後備,預防多 accidents。

開始我很少用呢啲底褲仔。間中用下,佢會問我,上面寫左乜。講俾佢聽,又會問係點解。開始真的唔係好識答,胡亂應付下佢就算。因為覺得「星期幾」呢個 concept 好難,講左佢都唔明⋯⋯

直到有日我發現佢見到某條底褲仔,然後問我係咪星期幾⋯⋯ 原來不知不覺佢已經憑間條顏色認得某些底褲仔係屬星期幾。

之後每次著我會認真啲略解釋係乜意思,其實係難,所以再之後每日俾佢著返相對星期幾既底褲仔,咁樣好似比較容易明。

當時我只係覺得幾好玩,每日沖涼小豬都好期待問:「今日星期幾啊?」同埋佢話比較中意呢啲底褲仔!所以每次有得著都好開心。但我冇乜期待佢會明到,最多咪記得曬星期幾既名稱。同時又覺得,英文比較難,所以也有教中文。(但我覺得佢似乎冇特別傾向學中文版,兩樣進展差唔多。)

Surprisingly,不出一個月佢已經明白到「一星期」呢個 concept;星期幾,中英都識。例如會明,爸爸星期一至五要返工,星期六、日唔使。平時又會好中意提今日係星期幾,聽日又係星期幾。

後來更發現佢知道每條底褲仔既間條和車子既顏色。(但其實都係一個星期著一次!之前更少。)佢一望就知條底褲係星期幾。(我完全記唔到!)

又一次提醒我,唔好睇小小孩子既學習能力!

〔2Y9M〕

No comments:

Post a Comment