Thursday, March 31, 2016

小朋友很簡單的。

今日小豬忽然同我講:「媽媽,姨姨好中意我㗎。」

我:「係?你點知㗎?」

小豬(有點得戚地):「因為佢成日都同我玩㗎嘛!」


(姨姨即是媽媽的妹妹。也是除了爸爸媽媽小豬最 close 的人。)

Preschool 的絞結(完)

苦惱了成個星期。應不應該讓小豬現在就返 preschool。

男人說:也不過一星期三天,一個星期才九個小時。你煩甚麼?到時沒有位子你就死啦。

我:其實讓他早點返也好,自己可以多點 free time⋯⋯ (馬上想到有很長的 list 想做的事情⋯⋯)

小豬:我不要返學。我會哭。我會不開心。(還要加個委屈的樣子。)

每次聽到他這麼說媽媽的心都要碎了。(!)

男人:他不懂返學是甚麼啦!他只知道返學沒有媽媽,所以不喜歡囉。他遲早都要返的啊。

我:是的,遲早都要,但現在不是必需嘛。雖然他不明白甚麼是返學,但他的懼怕,他的感受是真的。小朋友成長得很快,我相信半年後他應該會不同,雖然未必樂意返學,但至少比現在更有能力去面對一個陌生的環境。

+

有時,我會覺得,好啦,讓他返吧。幾個小時後我又會,唉,還是不好啦。

反反覆覆的千萬次。

+

今日我覺得是要做個決定了,就帶了小豬去間 preschool 玩;(他們說歡迎我們參與他們的 outdoor play。)隨便再跟個 director 談一談。

四日的位子已有人要了⋯⋯ 我們正在談我的顧慮時,director 也說,如果你只是想 hold 住個位,就不要現在了,雖然我們不知道到時有沒有位,但⋯⋯ 可能都有機會有的⋯⋯ 再不是,因為你只是半日,如果有些日子我們比較多老師你也可以讓個仔來⋯⋯

說到這裡旁邊另一位老師說:「其實剛要了四日位的小朋友今年就要讀 kindergarten 啦!你到時可以要他的位啊!」

我:!!!!!!!!!!!!!

激動到眼淚到了眼角了⋯⋯ (沒有誇大⋯⋯ 強忍住⋯⋯)

然後 director 說:「啊是呀!我都忘記了!我們也是剛剛知這個小朋友會讀,但因為他以前有讀過後來沒有現在他媽媽又想他讀這裡,所以我們是認識這個小朋友,所以知道他將會讀 kindergarten。」

老師:「我也是昨晚忽然想到的!」

+

上天對我好好啊!是 perfect solution 啊!之前也想過,即使我現在讓小豬返三日,到時也未必有五日啊。現在可以肯定有四日的,到時要加多日也比較容易。不過沒有的話四日也可以的啦。

開心死我啦。也是說,我真的未準備好讓小豬返學呢。其實真的很享受現在的生活啊⋯⋯ 讓我再享受多幾個月吧。

Wednesday, March 30, 2016

中意

小豬坐在 potty,忽然問:「媽媽你係咪好中意爸爸?」

我:「嗯⋯⋯ 都係㗎。」

小豬:「因為你好中意攬住爸爸⋯⋯」說後微低頭,樣子有點失落⋯⋯ 

我:「你唔中意媽媽攬住爸爸㗎?」

小豬:「唔中意⋯⋯」

我:「點解啊?」

唔出聲。

我:「咁你中唔中意媽媽攬住你呢?」

小豬:「中意⋯⋯」

我:「咁你中唔中意爸爸攬住媽媽呢?」

小豬:「唔中意。」

(忘記後來點收尾⋯⋯ 哈哈)

+

其實之前小豬見到我攬住爸爸,就同爸爸說:「因為媽媽中意你啊嘛⋯⋯」

如果我 hug hug 爸爸,佢都要來 hug 埋一份⋯⋯

+

後來沖涼時我問小豬:「媽媽最中意邊個啊?」

小豬:「爸爸⋯⋯」

我:「唔係,媽媽最中意 baby 㗎!」

馬上好冧個樣。

我:「咁 baby 最中意邊個?」

小豬:「媽媽!」

錫錫。


Tuesday, March 29, 2016

有個不肯吃水果的小孩怎麼辦?


  1. 正餐有一半是蔬菜!就是用蔬菜代替水果。以前小豬對蔬菜也很挑剔,只吃爽脆的。可能是上天憐憫我,這幾個月忽然幾乎甚麼菜都肯吃。(那都要煮得合他胃口!)無限感恩!

  2. 給他吃水果乾!我一向是吃開「Made in Nature」的,但近年發現了「Fruit Bliss」,現較喜歡後者,比較軟。前者擺久了會硬。兩隻牌子都是不加任何其他嘢,就只是乾了的水果。「Fruit Bliss」會加水,我想所以比較軟。我喜歡「Fruit Bliss」的「Medley」,但小豬只肯吃 plum。「Made in Nature」比較多種類,價錢不一。他們有隻雜果的,有時小豬也肯吃。我見過 Costco 有得賣,大大包比較便宜。但我買過一次過後怕怕,好怕大大包的,吃極都吃不完。

Monday, March 28, 2016

叫小豬幫手做嘢。小豬:「我唔得閒啊嘛⋯⋯」

我:「下⋯⋯ 你唔得閒做啲乜啊?!」

小豬:「我好忙㗎⋯⋯」

我:「咁你忙啲乜哩請問?」

小豬:「我好多嘢做㗎⋯⋯」

哼。明明就係企喺度⋯⋯

+

不過,其實多數小豬都好樂意幫媽媽手既!仲好中意讚自己:「呢個 baby 真係媽媽既好幫手喇!」或者「呢個 baby 真係好乖!」

兩個 Babies

坐在男人與小豬對面,跟小豬講嘢,佢望住我指住自己心口:「你係咪同呢個 baby 講嘢啊?」

唔知笑好定點。

+

自幾個月前,小豬開始意識到我叫男人做「baby」,之後就認定爸爸都係個 baby 唻既。

有時會同我講:「原來爸爸都係個 baby 唻㗎!」

有時會對爸爸講:「爸爸你都係個 baby 唻㗎!」

有時會問:「你同緊邊個 baby 講嘢啊?」

+

係,媽媽有兩個 babies。夠囉,兩個夠曬數囉。〔笑〕

Saturday, March 26, 2016

復活節之無端端尋蛋記


完全沒有諗過復活節要搞啲乜。但前幾天收到張傳單話屋企附近的公園會搞復活節活動,免費的。

十一點幾行過去睇下,諗住睇下就去食午餐啦。然後見到地下放了好多蛋,小豬似乎很有興趣。(其實佢係唔知「egg hunt」乜唻既,但佢好中意執嘢啊搵嘢囉。)

然後我地臨時決定不如就喺度野餐啦。(Perfect weather for picnic!小豬也表示好想。)爸爸馬上返屋企攞張野餐 blanket 同埋個袋來裝蛋。


成件事其實幾白癡。(!)我從未去過 egg hunt,係咪都係咁㗎?啲蛋係執唔係「hunt」囉。小豬係我既指引下先執得幾個⋯⋯ 我見有啲小朋友執到幾十個!!全程唔使三分鐘就完結了!!好混亂啊。



之後買左啲 food truck 嘢野餐!(咁啱今日附近有 food trucks!)上面嗰個係 KoJa Kitchen 的,個「bun」係用白飯做的,都幾特別,小豬都幾中意食!聽講都幾出名,從 food truck 做到有幾家店。(Ko=Korean Ja=Japanese)


當我同友們說今日食 food truck food,佢地都好震驚⋯⋯ 〔哈哈〕其實,真係 OK 的。小豬好中意 picnic 啊。〔笑〕

返工。

望出窗外,小豬:「爸爸喺度做乜?」

我:「剪草囉⋯⋯ 你第時大個就要幫爸爸剪草㗎啦。」

小豬:「我第時大個左都要返工㗎。」

我:「哦。係㗎。」

小豬認真望著我:「媽媽,如果我第時返工你哋會唔會唔開心㗎?」

我:「⋯⋯ 唔⋯⋯會⋯⋯」


(首次聽佢咁講。不過平時會話唔中意媽媽返工之類。可能係諗到如果媽媽返工佢會唔開心,所以有呢個顧慮。)

Friday, March 25, 2016

想唔想返學?

剛剛。

我:「你想唔想返學?」

小豬:「唔想!」

我:「如果我放低你喺學校自己走左你會點?」

小豬:「喊!」


也是過去幾個月 repeat 左無數次既對話⋯⋯

Preschool 的絞結

我想小豬去的 preschool 現有三和四日的位開放。但問題是,我還未想他返學呀,想遲多幾個月⋯⋯ 但到時又未必有位⋯⋯ 煩。

實情是,我還未做好心理準備讓他返學⋯⋯ 很不捨得啊嗚~~

+

這家 preschool 是唯一我想去的!就在我們家對面!!

有點離譜⋯⋯ 至今我只 tour 過三家。第一家 tour 的本來很想去的,但 tour 完就不太喜歡。不過也不用想,上星期已收到 rejection letter。今個月又 tour 左家,但 tour 完感覺又是麻麻。但發覺原來競爭力都很強,得十多個位,好似好多人爭。

我們對面這家,以前沒想過考慮,但後來了解後都算幾中意!他們是屬家庭式的,所以位子很少;也難估計到幾時有位。但之前也想過,如果真的沒有,自己繼續湊久些也沒問題的⋯⋯ 

+

其實 preschools 蠻多的,問題是,一:我只想小豬返上午,好少 offer 這個 option;就算有半日 option 的也是指放三點。二:不容易找家合我意的吧!!多數看完個網站連 tour 都懶去。

好煩啊。

Thursday, March 24, 2016

Hape 9-Block Puzzle


去年八月買的 9-block puzzle,小豬今日忽然話想玩,然後他真的懂得玩了。

不要小看這個 puzzle,蠻難的!所以,這幾個月來也只碰過幾次;上次碰也是很久之前的事吧。但他今日卻忽然就懂了!(不是正方型的那兩面比較難,所以他不太會。)

之前有提過這種 puzzle,後來還是買了 Hape 木製的。Cardboard 做的真的不能相比吧。顏色好靚,小動物很可愛。做裝飾品也挺不錯!(?)推!


〔2Y11M〕

Tuesday, March 22, 2016

關於牛奶的種種。

我們現喝這家牛奶

之前講開牛奶,講開又講啦。

我想好多人對牛奶包裝上的專用名詞都好混淆。例如「pasteurized」是甚麼?「homogenized」又是甚麼?甚至乎可能連「whole milk」都不知是甚麼意思。

其實不清楚好正常的,我對牛奶都略有研究(!),可以簡略分享一下:

Whole milk(全脂奶):
Whole milk 聽落去好似好肥,事實只含約 3.5% butterfat。「whole」的意思是,保留牛奶原有的 butterfat 含量;不是「whole milk」就是把 butterfat 減量。在美國有以下的選擇:reduced milk (2%),low-fat milk (1%),和 skim/non-fat milk (低於 0.2%)。個 % 是指 butterfat 含量。

到底喝那種比較好?個人意見是:我覺得小孩子(如沒癡肥跡象)是應喝 whole milk 的。大人隨意啦,選你喜歡的味道就好啦。以前是說不應喝 whole milk 的,但現在又有研究顯示牛奶裡的脂肪其實對人體是有益的,所以 whole milk 反而比較好。


Pasteurization(殺菌):
  • Raw milk:是不會經過任何 pasteurization 的。最原始,從牛擠出來,入罐,賣得。
  • Pasteurized milk (HTST*):在最少161F (72C) 的溫度下把牛奶熱最少十五秒。保存期2-3星期。(在美國來說,這個做法就最普遍的。包裝會寫明「Pasteurized」。)
  • Ultra-pasteurized milk (UHT**):在最少280F (138C) 的溫度下把牛奶熱最少兩秒。不用雪藏;保存期長達九個月!(!)但視乎包裝;因為美國人接受不了不雪藏的牛奶,所以仍會用普通雪藏包裝,但保養期都有2-3個月。亦因此好多美國人是不知道有 pasteurized 和 ultra-pasteurized 的分別!!因為如果不是好似我這種人(?)是不會留意到多了「ultra」這個小小的字囉。(在美國,包裝會寫明「ultra-pasteurized」。)
  • Aseptic milk:其實就是 ultra-pasteurized milk,但運用不需雪藏包裝,通常是獨立小盒的。未開保存期長達九個月!美國有少量這些。方便攜帶出街,雖然我就沒有買過哈哈。(歐洲國家多數是這個做法。)
是,raw milk 應該是最有營養的,但我不會喝 raw milk,(除非是在農場裡?!)因為風險太高,而營養價值只比 pasteurized 的多少少,不值得搏。而 ultra-pasteurized 我覺得沒有必要;更有人覺得因為高溫度處理,牛奶有種「煮熟」的味道。為甚麼要 ultra-pasteurized?因為可以保存較久和方便運送;通常是 national brands 先會這樣做。而本地小農場,是一定不會的,沒有需要。所以「pasteurized」也是比較新鮮。但如果住的地方沒有本地農場,那也是沒得選擇啦。身在三藩市的我很幸福,這裡有幾家本地農場可供選擇,價錢還比較便宜!


Homogenized:
Homogenzation 與 pasteurization,whole milk 與否,organic 與否是毫無關係的。牛奶裡的 butterfat 是會自然分離的;homogenization 是把 butterfat 完全溶解;沒有 homogenization,會有一層 cream 浮到牛奶的頂層。(在美國來說)大多數牛奶都是 homogenized,沒有 homogenized 的又會叫「cream top」。

如果你想最天然最少 processing 的牛奶,但又想喝 raw milk,就應選 non-homogenized,pasteurized 的牛奶。但我本人是不喜歡 cream top!我個仔簡直是討厭!我買過一次,他喝後好大反應,把 cream 吐出來,直呼:「我不要喝這個牛奶!」〔哈哈〕我明。因為我也不喜歡那些 cream。但 cream-top 也算是個 special treat 來的,很少牌子會做,也是賣點之一。這個,真的各有各愛好吧。

+

當然,我想每個國家地方的做法不同,例如 pasteurization 的溫度和時間都略有分別。

+

總結:我會買本地農場的 organic pasteurized homogenized 牛奶。之前我喝 1%,個仔喝 whole,最近轉了兩人都喝 2%,方便些。現考慮應否兩人都喝 whole。

+

寫這種文好辛苦啊~~ 寫了幾天!希望可以幫到大家少少啦!

*HTST = high-temperature, short-time
**UHT = ultra-heat treatment

Monday, March 21, 2016

Symmetry


昨日小豬分別用 Mega Block 同 Lego 砌左 symmetrical 圖案!!從沒教過他 symmetry 的 concept!!我見到傻了眼。有誰家的孩子是這樣?!應該是強迫症症狀吧?!(!)

Sunday, March 20, 2016

小豬是日早餐:Crepes With Chocolate

除 chocolate 佢乜都唔要!

友給我的 recipe:

• 1/2 cup (70g) all purpose flour
• 1 cup (240ml) milk
• 2 tbsp (25g) sugar
• 4 large eggs
• pinch of salt

我用 10-in (25cm) omelette pan 煎,可以煎到9-10塊。按份量可減少或增多。我地三人用 3/4 份量就夠;小豬可以食到兩塊。

算是幾易做既早餐,正常當然係夾啲生果啦,但我個仔係唔食生果囉!(Chocolate 加少少牛奶慢火溶。)

 * 我今日意外俾多左麵粉,但ok喔。

Friday, March 18, 2016

「a2 Milk」的小看法


前一排友問我知不知這隻叫「a2 milk」的牛奶⋯⋯ 我有聽過關於A1和A2牛奶的一些 debates,但這隻原來在美國已經售賣了幾年的牌子,我是完全不知道的!上星期在 Whole Foods 見到減價就買了來試。

是比我喝開的牌子有牛奶味,2% 感覺是 whole milk。

但基於以下的原因我不會選擇這個牌子(作日常牛奶):
  1. 不是 organic。
  2. 但比 organic 還要貴。
  3. 是 ultra-pasteurized(UHT)。Ultra-pasteurized 對牛奶無益極大可能有害。除了可以令生產商賺更多錢我不了解為何要這樣做。(因為可以保存耐好多。)有得揀我不會揀 ultra-pasteurized 的牛奶;更會質疑這樣做的牌子。
  4. 透明度不高。(研究了他們的網站。)不喜歡透明度不高的牌子,牛奶怎樣來的最好講清講楚。現時是沒有人去監管這個牌子所說所做的。恕我未能相信他們。
  5. 我還是比較喜歡 buy from local。
但,我會考慮買來做甜點。因為聽說好多人本來受不了奶類,但可以接受A2牛奶,其實不是真正的 lactose intolerant,可能只是受不了A1牛奶。而我男人就是受不了奶類,我會拿他來實驗實驗。〔哈哈〕

+

小小背景:A1和A2是牛奶中的 protein。大多數(美國)牛兩樣都有,即是說其他牛奶含有A1和A2,而呢隻「A2 Milk」只含A2 protein。聽說啦,養純A2牛的成本較高。說是說A2比A1好,但好些科學研究,其實都是 inconclusive 的。我覺得如果你是本身受不了牛類,可以一試A2牛奶。但如果A2真是那麼好,為甚麼不多些 dairy farms 售賣?例如(本地的) Straus Family Creamery,(聽說)他們有三分一的牛是產純A2牛奶的。其實他們也大可以賣純A2牛奶吧?所以基於以上各種原因,對於這隻「a2 Milk」有保留。

又,這隻牌子首先在 New Zealand 發售的,然後到澳洲,現時美國,英國,和中國都有得賣。

Thursday, March 17, 2016

上山。Strawberry Hill。


我們常去的 Stow Lake 中間有個小島,小島上是座小山,叫 Strawberry Hill。今日天氣甚好,我問小豬要不要上山,他說好!一路上我在擔心他行行下叫累,(不要叫我抱啊!)但他全程很興奮的。走時還說下次再行過!因為始終第一次,所以沒敢行到山頂。〔笑〕同埋一路行,我望著那些在山腰的大樹,我居然有點兒心慌,好怕它們塌下來⋯⋯ 

我知我知這樣想很白癡⋯⋯ 但上個星期有風暴,新聞說有幾顆樹倒下了!


後來真的見到啊!起碼有三棵吧。好近 Chinese Pavilion!好彩沒有塌在上面!


Hiking 時不肯讓我拍照。落到湖邊,見到三隻烏龜,我說你要不要跟小龜拍照,他又很願意,還說:「媽媽,把手插入袋袋係咪即係 model 啊?!」

+

後來在地下撿了三條樹枝說要帶回家,我說好啊。又堅持我都要拿一條。誰知上到車發現最短那條不見了,(他撿了三條長度不同的,最短的只有兩、三寸。)當時我好怕他發爛一定要找回來,但他樣子苦惱多過氣憤。我在附近找了一下找不著,就跟他說:「咁你要媽媽嗰條好唔好?咁咪三條囉⋯⋯」他居然沒有異議。

他在車上沉思了幾分鐘,忽然說:「媽媽,咁你攞你嗰條,爸爸要呢條,我要呢條啦⋯⋯」哦~~ 原來他撿了三條,最長的給爸爸,最短給自己,中間的給媽媽。

Wednesday, March 16, 2016

似女仔(亞仔版)

今日一早小豬見到我就同我講:「媽媽,我覺得我個樣⋯⋯ 有啲似女仔啊~~」

+

去完動物園,行返架車時佢又講多次。

+

亞仔,乜你有追開媽媽個 blog 㗎?!

+

之後還說:「我覺得我把聲都好似女仔啊~~」

「下?點解你咁講啊?邊個話你知㗎?」

「冇人話我知啊⋯⋯ 係我自己發現㗎嘛~~」

(!!)

Tuesday, March 15, 2016

剪髮。似女仔。

昨日終於幫小豬剪左頭髮。距離上次有三個月。(之前兩個月要剪。)今日不停望住佢,覺得係醒神左好多,個樣精靈左好多。頭髮太長原來係會顯得有點憔悴,和似女仔。一直拖,係因為要剪就成個鐘,好累啊。雖然剪過幾次但都係驚啦。覺得今次剪得冇上次好。

小豬個樣係幾女仔下既。剪左短頭髮就唔覺,但頭髮一略長或包住個頭就好似女仔咁㗎啦。

我個仔好留意我著乜衫。

我打開衣櫥打算換衫。小豬探過頭來:「媽媽你換衫啊?」

我:「係啊,都唔知著乜嘢衫好⋯⋯」

小豬:「媽媽我想你著出街衫啊!」

我:「下?點解啊?我地唔係出街喔。」

小豬:「因為爺爺嫲嫲喺度啊嘛⋯⋯」


(好耐之前有次小豬問我點解喺屋企著住出街衫,我係有講過,有客人來就要著出街衫㗎喇。)

Monday, March 14, 2016

Wine Country 浪漫篇

上個星期去了 wine country 兩日一夜遊。全程雨沒停過,除左臨回程前那兩個小時。

沒辦法,唯有去室內的 public market 逛一逛;到附近小店看看;其他都是在旅店 hea。其實也好,可以 relax 下。


旅店是由多座舊式小房樓組成的。小房樓隱沒在花草樹木中;周圍的環境很美很寧靜;有田園氣色;不像是身處旅店。

坐在窗戶旁,望出去是花園和樹木。好適合發呆。(如果我有那麼多時間的話⋯⋯)

第二日(在旅店)吃過早餐後,冒著雨也繞道回房間,就是為了感受下周圍的靈氣(!)。

經過這裡,拿著雨傘也要拍下來。然後幻想一下,在柔和的陽光下,坐在這裡望著個 vineyard 那多寫意⋯⋯ (嗯都係幻想下好了,男人與小孩站在雨中等緊我呀⋯⋯)

後來在小道上見到好多 Sweetgum 樹的果子,好得意,未見過。(名字當然是後來才 google 返來的啦!)我不知那來的浪漫念頭,問小豬:「你想唔想執呢啲果子?」「想!」(同一時間我問自己是否發神經⋯⋯)


我們回到房間,我找了個袋,然後帶小豬在雨中執果子!!!居然執下執下執左幾十個!!!生平最討厭雨的我居然做出這個事,令我內心受到很大的震驚,我覺得當時有兩個我,真正的我不明白發生了甚麼事。更離奇的是,我男人沒有阻止我。真正的我有在等他說:「你搞甚麼?!」

除了執果子,我們還欣賞了周圍的花草樹木。我們見到有 strawberries 啊!雖然是微型的。

後來又見到好多蚯蚓在路上爬下爬下⋯⋯ 最怕蚯蚓的我居然聽到有人(!)對小豬說:「你要唔要摸下啲蚯蚓?!」(!!!)「唔要。好驚!」

好彩,好險。始終還是我的兒子。後來還要我抱抱因為好怕踩到蚯蚓⋯⋯

只能說,這種事只會跟兒子一起做。兒子的魔力遠比愛情魔力強呀!

Sunday, March 13, 2016

What's G?

小豬坐 potty 而家用緊既 Sesame Street stickers,其中一張得個「G」字母。(其他都有公仔。)佢問左我幾次係點解,我真係唔知!今日佢又問我,我照答媽媽真係唔知喔。然後佢就話:「G is for great job!」(!!!)(之後有問過爸爸有無教小豬,冇。)

清湯牛腩

是日晚餐:清湯牛腩。之前用牛腩做過兩次,都不甚滿意。終於在唐人超市見到別人說一定要用的「牛坑腩」,望落其實同美國既 short ribs 好相似。所以今次就用了 short ribs!睇左好多網上既食譜都覺得好唔掂,唯有慢慢自己鑽研。今次我嫌燜得過久,太淋。但湯和蘿白都好好味。湯底還可以改進少少⋯⋯ 不過之後我又諗,搞咁多,其實 braised short ribs 仲簡單,仲好味!(不過呢個就有湯!)

Friday, March 11, 2016


媽媽中意玩既嘢梗係要介紹俾亞仔啦。但亞仔話「媽媽我唔夠力啪呀。」「咁啊,用腳踩囉。」(但點解係用腳趾公既。)

Thursday, March 10, 2016

餓佢一餐唔會死

見到有媽媽寫,個仔唔食就冇得食,餓一餐唔會死⋯⋯

嗯,我都好想講啲咁有型(!)既嘢。我都確實好同意;我之前都諗住係咁做⋯⋯ 但。現實就係,原來呢個世上真係有唔使食嘢既仙童(?)!!你以為餓佢一餐下餐就食多啲?(餓幾餐都唔會咪講一餐半餐。)你以為唔俾佢食佢就跪地求饒下次唔敢?(唔好天真,唔使食更加開心。)

我諗,做得出既媽媽應該冇乜點為過小孩食嘢方面操過心吧?!個小朋友本身就係好中意食嘢吧?!小朋友既成長線唔係低於 5 percentile 吧?

我家就係有個唔使食嘢既仙童。自問一直都好盡責地煮嘢俾佢食。頭兩年幾,佢就係可食可唔食,有時連續幾日食幾啖就算。唔需要你唔俾佢食,自然唔會食。

第一年嘔左好多血,歲半後叫自己放鬆,由得佢。成長線試過低到 1 percentile。谷底係,食一啖就走左去玩。那時既底線就係:我唔會追住佢來餵。(不過如果有人咁做,而家既我都唔會 judge 你。因為小豬既情況都唔算太差,佢只係太貪玩,唔係討厭食嘢。但我真係唔擔保如果好差好差既情況下我唔會行呢步。)

托賴,係三個月前佢既情況開始改善,到而家尚算可以。咁唔可以同中意食嘢乜都食既小朋友比,但至少食量係以前既兩倍。但佢係幾乎乜生果都唔肯食,試都唔肯試。不過我要知足。

下個月就三歲既小豬還著緊12-18M既衣服。睇樣似兩歲。我覺得自己算係睇得好開,冇話點擔心。不過而家諗返,覺得可能應該早啲令佢食多啲,而唔係乜鬼「餓下佢唔會死」。係,係唔會死,但可能因此影響左成長。但,我係喜歡向前望的人。


#勉勵所有養有仙童的媽媽

Wednesday, March 9, 2016

小豬最近好中意整古做怪後就說:「我真係一個 silly baby 喇~~」

Tuesday, March 8, 2016

不用坐 Stroller 了!

今日去動物園,小豬第一次唔使坐 stoller 啊!耶~~

其實過去半年他已經沒再坐 stroller,除左去動物園!

近幾次去我都不停游說他不要坐啦,但他都不肯。(其實好多時入到去他也是自己行的,但又要拖我手我又去顧 stroller⋯⋯)上次我有說過最後一次啦⋯⋯ 今朝也不停提醒他不用坐啦⋯⋯估唔到他真的願意!

叻叻豬!

哇我要賣 strollers 啦!

〔2Y10.5M〕

我開左 FB Page 啊!

 Owl Dreaming

快啲去 like 啦!如果冇人 like 唔知可唔可以 continue 啊~~ 〔害羞〕

我都掙扎左好耐⋯⋯ 因為我真係好討厭 FB 啊!但 blog 又真係好 outdated 咁。不時有人同我講留唔到言,又樣樣嘢都好麻煩⋯⋯ 但我仍喜歡 blog 既 format,所以都會繼續。但 FB 真係會方便聯絡吧。但但其實呢度都冇乜人睇㗎啦,所以好怕一百個 likes 都冇啊~~ 如果冇真係要摺埋算囉。


+ http://facebook.com/3owldreaming +


Originally posted on 3/8/2016

Monday, March 7, 2016

絕招

今日我在廚房掃地,小豬擋住我,我叫佢去個廳,佢話:「我就係中意喺度㗎嘛。」講既時候仲背住我頭都不回。

「你乖啦。媽媽好快就掃完。你出去先啦。」

站著不動。

「你要唔要做個乖乖 baby?」

「我有時就係中意做個曳曳 baby 㗎嘛⋯⋯」

⋯⋯

勸左幾次仲係站著不動,唯有出絕招啦:「嗯不如媽媽錫錫你就出去好唔好?」

馬上扭過頭來俾我錫錫,就出去了。

想點呢。呢種情況都算首見吧。

Sunday, March 6, 2016

媽媽咕咕豬

早上爸爸帶小豬去食早餐。有個婆婆問:「媽媽去左邊啊?」

答:「佢喺屋企咕咕豬!」


使唔使咁損壞你亞媽既名聲(!)啊?!

(不過佢都係講事實既… …)


後來返到來,一見到我就說:「哇媽媽你起左身左啦!」

「美人」



我問小豬,你砌緊乜?

「我砌緊個美人。」

「吓?!美人?!」

「有尾巴既尾人啊。」

「⋯⋯」

Thursday, March 3, 2016

「I Know a Monkey」

今日我喺 Papyrus 同小豬睇書。(佢地通常只 carry 十本八本書,但都有幾本屬不錯的!)幾本後,我拎起呢本書:



小豬馬上說:「I Know a Monkey。」

!!!!!!!!

我:「下~~~ 你點識讀㗎?!」

「因為上次來有睇㗎嘛⋯⋯」

我搜索一下我既記憶,依稀記得,係噃⋯⋯ 本書係好似睇過喔⋯⋯ 嗯,好似上次來係睇過⋯⋯ 但應該係兩個月前既事囉喔⋯⋯

Tuesday, March 1, 2016

不要餵野生動物。記憶力。


今日又去 Lake Merced。那些鴨子見到我們就走過來,想討食吧?

以前會拿些食物去餵小動物的。但自從見過一個不要餵野生動物食物的 sign;後來又看了篇相關文章,就再也不敢餵了。

事實是,野生動物是不需要人類餵它們的。你這樣做只是害了它們。曾經,我在餵鴨子時有人經過嚴厲地對我說:「你知不知道你不應該餵它們。它們好多都因為食過多而死?」他說完怒氣沖沖地走了,我也來不及回應。當時覺得那人好 rude,可以換個方式說吧?

但,其實他是對的。從那時開始我都有些反醒。到現在,見到有人餵我都好想跟他們說:你不應該餵哦⋯⋯ 但至今我未有這個勇氣。

+

剛剛買了本 Peppa Pig 的書,講他們去學校旅行,野餐完了就餵鴨子食麵包,還說鴨子好幸運啊有麵包食⋯⋯ 我唯有解釋給小豬聽,其實是不應該餵鴨子的哦。

+ + +

看了一會兒鴨子小豬跟我說想看人釣魚,說:「唔知上次地下嗰條魚仲喺唔喺度呢?」哇,一個月前的事還記得?!記憶力越來越強囉。

+

關於不應餵野生動物,我忘記了在那看那篇文章,但你可以 google「why you shouldn't feed wild life」或者可以看這一篇