Sunday, April 10, 2016

南北杏燉雪梨(食譜)


第一次燉雪梨,原來幾好飲。甜甜酸酸的,略帶梨和杏仁味。當糖水也很不錯。如果有杞子或紅棗都可以放少少,顯得更靚。哈。

我⋯⋯ 其實幾抗拒煮水果來食,(不過近年嘗試放開懷抱⋯⋯!)但見小豬咳得好恐怖,就試一試啦。

但小豬完全不賞臉,無論我們怎樣威逼利誘,最後搞到他狂哭,也死都不肯嚐一口!!「媽媽只是想你試一試,不喜歡就吐出來了!」「不要~~~」重複幾萬次。

後來跟他一頓心靈對話(?)讓我略猜到,應該是因為有雪梨。(雖然我給他的只有糖水。)他的理論是:我不喜歡吃雪梨,所以我不會吃雪梨糖水。

然後今早上我說:「媽媽煲過另一隻糖水給你,沒有雪梨的。你要不要喝?」他說:「要。」食早餐時跟我勾了手指尾,說食完早餐就飲,但之後(見到)還是不肯。(應該是認得是昨晚的~~)

這小子不易騙呀~~~ 和超級堅持己見,他決定了的休想令他改變主意啊~~~ (媽媽以後的生涯~~~)

+

食完整個菠蘿包連雜碎都不放過,但對碗雪梨糖水就完全不理會。〔怒〕

+

不過他昨晚跟今日都咳少了,看來今次洋蔥湯也有效吧!喝了三、四天洋蔥湯仍很愛喝。(何解?!)


+ + +


超簡單食譜

- 2 個雪梨,一開四,去核
- 8g 南杏
- 2g 北杏(5-6 片幾够)
- 20g 黑糖(或冰糖)
- 約一杯半水,或剛好蓋過雪梨

將全部材料放進燉盅,燉1.5至2個鐘。

注:
1)其實應該用冰糖。但我現在少食冰糖,因為全是大陸做的,不敢食啊。千萬不要用砂糖。
2)我沒有燉盅,用了個中型碗,然後用碟蓋住。

6 comments:

  1. 我都咳都甩肺,飮洋蔥湯冇用,卒之係飲熱檸樂㷛勁薑,就少咗咳,好咗好多!

    ReplyDelete
    Replies
    1. 咳真係好辛苦啊!我聽到個仔咳我都好心痛啊~~ 大人都比較易搞,小朋友好多嘢都唔肯食,薑一定唔食啦。

      Delete
    2. 我個細女一咳又係好辛苦,仲要嘔埋,次次都係咁,冇走雞,一晚三四次!

      Delete
    3. 咁我個仔又冇咁嚴重。只是乾咳,有鼻涕。但他仍精力充沛跟沒病的一樣。-__-

      Delete
    4. 佢好多時都係乾咳啊,但咳得好辛苦囉,係完全唔停個隻,佢又辛苦,我睇住佢又登佢辛苦⋯

      Delete
    5. 咁真係好惨惨豬。你咁講其實我個仔唔算好嚴重,開始一、兩都日咳好多,之後其實少左。但我都覺得佢好惨囉。

      Delete