Monday, April 11, 2016

壽司卷的開始?!


〔小豬是日晚餐〕烤椰菜花,牛肉碎炒義大利瓜和紅蘿蔔,紅蘿蔔「壽司」,蔥頭湯*

今日小豬下午 snack 時話好想食紫菜。(從來未試過紫菜當 snack。)食時好開心:「我真係好中意食紫菜啊!」見他那滿足的樣子,亞媽忽然癡左條筋:「不如媽媽今晚整 sushi 你食囉~~」(很閒嗎?!)

十幾年沒做過壽司卷吧?!但居然塊(整壽司卷的)竹卷還在!!我那些紫菜,也不是包壽司卷用的那隻,是正常大大塊的三或四分一而已。怎麼卷啊?

後來很狼狽地用了兩塊連起來卷,好醜樣,但小豬好欣賞啊~~「媽媽你煮既嘢真係好 yummy 啊~~」「我真係好中意食壽司啊~~」「媽媽不如你下次又整壽司俾我食啦~~」⋯⋯

點啊?整濕左個頭⋯⋯

+

*蔥頭湯:我媽的止咳湯。昨晚喝了一次,今日也繼續喝。昨晚沒咳過,只是早上起來咳了一陣。整天也只咳了幾聲。不過他前晚和昨日都已經少咳了,所以我覺得今次洋蔥湯是有效的。我煮左六個洋蔥!他是連洋蔥也吃掉。

4 comments:

  1. 請問甚麼是蔥頭湯?

    ReplyDelete
    Replies
    1. 其實我唔係十分清楚,但我亞媽話可以止咳。佢好中意煲同埋係幾好飲,所以佢煲我都會當湯水飲既。但我地係一個星期先見佢一次,所以唔係話咳親佢就煲,我個仔可能係第一次飲。應該係用紅蔥頭和咸豬肉煲既,都有薑。我諗蔥頭啊洋蔥啊蒜頭啊之類都有止咳作用既,但要不停喝吧?(例如洋蔥湯我個仔一日飲三碗。)

      另有讀者留言有另一個方法,你可以試試。在《豬又咳》那篇。

      Delete
    2. 呢樹冇紅蔥頭賣啊…
      蒜頭冰糖,可以一試!唔該你同你位blogger!

      Delete
    3. 希望有幫助!

      係啊,我都唔係好知紅蔥頭係點。我亞媽係唐人街先買到,所以我一直都冇問清楚係點煮囉。

      Delete