Thursday, June 9, 2016

討好不討好

沖涼時小豬嘰嘰喳喳的亂說不停。(其實每時每刻都係不停口⋯⋯)

幫他抹身。我說:「不如我哋玩個遊戲啊⋯⋯」

眼睛馬上亮起來。

「哪,如果媽媽㩒下你既肚磁你就唔出聲啦;如果㩒下鼻鼻就可以出返聲。」

「好啊⋯⋯」樣子有點期待。

(我又估唔到佢會落答⋯⋯ 哈哈)

玩了幾次,他忽然臉色有點不對路⋯⋯ 「做乜事?」我問。

低頭唔出聲。

「唔開心?」

「嗯。」

「做乜唔開心?⋯⋯ 話俾媽媽知⋯⋯」

他支吾了幾秒細細聲講:「我唔中意你㩒我既 belly button 啊⋯⋯」

哦!剛剛玩得太興奮(!)可能太大力㩒⋯⋯(!)

「哦⋯⋯ 係唔係媽媽㩒得太大力你唔中意啊?」

「係啊⋯⋯」

「哦⋯⋯ 對唔住啊。媽媽唔知啊嘛。媽媽會細細力㗎啦。〔輕輕按了他的肚磁一下〕嗯,多謝你話俾媽媽聽你唔中意媽媽大力啊。唔中意就要講,你做得好好啊!媽媽好開心。」

擁抱。

之後繼續玩了一陣,輕輕按肚磁。〔笑〕

+

昨晚與友聊天,她說起有些小朋友會把媽媽的喜好講成自己的喜好,因為想討媽媽歡心。

個小朋友,是體貼;但個大人,於心何忍?要讓小朋友去討好你?(當然個大人可能根本沒有意會到⋯⋯)

我覺得應該大部分(若不是全部)的小朋友(一開始)都會去討好大人的,說大人想聽的;做大人想他們做的。這是當然,你的小孩當然是 look up to 你的。

但作為一個大人(父母),我們應該這樣去對待小朋友嗎?

小豬也是體貼型,就是喜歡討媽媽歡心。但我會教導他,要說真話,不是說媽媽想聽的話;不開心不喜歡要出聲;媽媽令你不開心要同媽媽說;不喜歡做的也要同媽媽說⋯⋯

我不是要教養一個跟屁蟲(?),我希望教養出一個有獨立思考能力,stand up for himself 的兒子。(扯遠了?!)

+

今次應該是小豬第二次跟我說他不喜歡我做的事。聽到後是真的很開心。

No comments:

Post a Comment