Wednesday, August 3, 2016

臨睡前小豬問:「媽媽一百九之後係乜嘢?」

我:「一百十囉。」

小豬:「咁一百九十九之後有冇嘢㗎?」

我:「有㗎。你知唔知係乜嘢啊?」

小豬:「唔知。」

我:「有冇一百一百㗎?」

小豬:「冇。」

我:「嗯,係二百啊。」

小豬:「咁二百九十九之後呢?」

我:「你話呢?」

小豬:「唔知。」

我:「係三百囉⋯⋯ 咁三百九十九呢?」

小豬:「唔知。」

我:「你知既。」

小豬:「嗯⋯⋯ 四百?」

我:「係啊!咁四百九十九之後呢?」

小豬:「五百?」

我:「係啊!」

小豬:「咁五百九十九之後係咪六百?」

我:「係囉。」

小豬:「咁六百九十九之後係七百⋯⋯ 七百九十九之後係八百⋯⋯ 八百九十九之後係九百⋯⋯ 九百九十九之後係⋯⋯?」

我:「係乜嘢?」

小豬:「唔知⋯⋯」

我:「媽媽覺得你可能知嗰噃⋯⋯ 你估下?」

小豬:「嗯⋯⋯ 一千?!」

我(!):「係啊!你啱左啊!哇你點知㗎?好叻啊你!」


儘量不隨便讚小豬的我都忍唔住攬住讚下佢!

佢而家數到一百沒有問題,所以佢開始會問一百之後既數。十、百,千、萬既 concept 都有問過,我有略講過十個十係一百,十個一百係一千⋯⋯ 但就冇咁詳細講到九百九十九之後⋯⋯ 感覺對一個三歲的小孩有點深吧!咁其實個對話開頭我都冇預計到會講到一千!


〔3Y3M〕

No comments:

Post a Comment