Tuesday, September 13, 2016

怕左你

前幾日拿了這個玩具出來諗住俾人,但小豬一見到就表示好想玩然後呢幾日都不離手,玩⋯⋯「柄埋啲小動物」!!就係佢一個個「柄埋」然後叫我們搵。

本來多數都係叫佢爸玩。今日整日都叫我玩!不停係最後一次啦然後玩完就「不如俾多個 extra 啦⋯⋯」玩左十次後我真係悶到想嘔(兼且煮緊飯),(加上佢「柄來柄去」都係嗰幾度冇難度啊~~ )我問到底你仲要玩幾次,一次過講定囉。「五次!」

好,殺左你。

五次後,果然,「我想要多個 extra喔~~」

好,忍。

再講得清清楚楚,真係得一個extra,係唔會再有的。

玩完 extra,又要 extra。話呢個真係最後一次啦⋯⋯

NO。

你估我會唔會咁蠢啊哪?

當然要教訓下佢做人要有口齒講過算數之類⋯⋯

佢係咁扭係咁遊說我。 我一邊煮飯一邊反駁佢唔可以講過唔算數。當時我真係冇乜把握佢唔會發爛渣⋯⋯

忽然間佢話:「好啦好啦我怕左你啦!」

!!!!!!!!!!!!!!!

馬上搜索記憶我有冇咁講過:「吓?邊度學返來咁講㗎?!」

「Err⋯⋯ 麥兜既媽媽囉⋯⋯」

WHAT~~~~

之後佢就走左去自己玩冇再煩過我。


#3Y4M

No comments:

Post a Comment