Friday, April 28, 2017

四歲的小朋友

四歲的小朋友說:「媽媽,等我大個左哩,我就會起間磚頭屋⋯⋯ 咁你可以間唔中來探我⋯⋯ 你㩒鐘哩我就會開門畀你㗎啦⋯⋯」

我:「哦咁㗎。咁媽媽可唔可以同你一齊住啊?」

四歲的小朋友:「唔可以啊。我大個仔就要自己住㗎喇嘛。」

我:「哦⋯⋯ 咁可唔可以畀間房媽媽啊?」

四歲的小朋友:「可以。」

+

好似在不久前我先同呢位小朋友講,哪你大個左就要搬出去自己住㗎喇⋯⋯ 而呢位小朋友聽完後好傷心攬實我哭著說:「我唔要唔同媽媽一齊住。我要同媽媽一齊。我好中意你㗎⋯⋯我一直都要同你一齊⋯⋯」

+

個轉變都好快吓喔,不用一年。

+

係,呢位小朋友在前幾天已經靜悄悄(?)地四歲了。上個星期我們去了短程旅行,之後全家都病了,大家都快升仙了。我都好想記錄旅行呀小朋友四歲感想呀(?)病呀(!)~~ 但我幾千萬樣嘢 behind 了。〔嗚〕


抱病為小朋友做的千層蛋糕,中間用了朱古力 pastry cream,以為合他口味,(因為平時早餐就是做 crepe 加朱古力醬的嘛!)但他試都不肯試,因為「都不是全部是朱古力」!〔吼~~~〕

Sunday, April 23, 2017

唔肯食藥

有個小朋友病左死都唔食藥。
媽媽唯有出絕招整左(病其實唔可以飲既)朱古力奶給他喝⋯⋯
小朋友喝一口:「我唔中意呢隻朱古力奶!」

哼。



#呃佢唔到
#如何對付唔肯食藥既小朋友?

Sunday, April 16, 2017

老鼠


去動物園我通常會問小豬想去看甚麼動物。

今次他第一樣是 bird bird。(以前從來不去看的,但上次去時有看他很喜歡⋯⋯)

第二樣是 little mouse!

我問他為甚麼。他陰陰嘴笑不答。

「係咪因為中意 Maisy?!」知仔莫若媽。

含羞點頭。

去到超興奮不停跟小老鼠打招呼。(樹丫有隻。)

路人見到他的興奮樣以為有甚麼新奇嘢睇⋯⋯ 一望唓~~ 



#亞媽對老鼠麻麻
#我理解唔到Maisy有乜咁吸引
#我拒絕買Maisy書
#圖書館借很多

Saturday, April 15, 2017

「傷心」

週六早上小豬站在我床邊:「媽媽你可唔可以同我玩啊?」

我朦朧中:「吓⋯⋯ 今日星期六啊~~ 媽媽想瞓晏啲喔⋯⋯」

「媽媽你可唔可以同我玩啊?」

「我好攰啊~~」媽媽當聽唔到⋯⋯

「媽媽你可唔可以同我玩啊?」

「媽媽你可唔可以同我玩啊?」

「媽媽你可唔可以同我玩啊?」

N 次後⋯⋯

「媽媽如果你唔同我玩我會好傷心㗎⋯⋯」

「吓~~~」媽媽馬上彈起身。

路人甲暗中狂笑。

我都忍得好辛苦。


#星期六早上明明我放假的
#但講到咁仲敢唔理佢咩

Friday, April 14, 2017

叮噹


今日小豬畫了這個給契姐姐做生日卡。畫的時候我在另一個房間,但聽到他在唱「畫叮噹歌」(圓圈加一點,圓圈加一點⋯⋯)。

他畫畫一直都是鬼畫符(!),但有時忽然會出現一幅有點模樣的,亞媽就會覺得很驚訝。

#3Y11M

Monday, April 10, 2017

陪媽媽去剪髮



好乖的小朋友,陪媽媽去剪頭髮。全程自己玩。


#唔需要睡覺時係幾乖既

Thursday, April 6, 2017

自製泥膠


其實泥膠真的很易做!!昨日是我第二次做。小豬玩了兩個半鐘!!以前我買過 Eco Dough 兩次,但實在太貴啦!我常以為自己做的會怪怪但原來不是啊!!同我買的一樣!!只會更好!!

今年年頭開始,小豬忽然對泥膠有了大興趣,在學校日日都玩!然後成日跟我說:「媽媽我日日都想玩 play dough 啊!」我:「你喺學校咪日日玩囉。」他:「但我星期五、六、日都想玩⋯⋯」

之後我敵不過他就做了他最喜歡的黃色。

不過他沒有常玩⋯⋯ 在學校好像也很少了⋯⋯ 但昨天說想玩;又叫我做多些顏色給他。我見家裡有紫薯,就煮了紫薯糖水給他,然後用紫薯皮做紫色泥膠!!不過出來是桃紅色。哈。

但麻煩的人說他現在(不是喜歡黃色)喜歡白色,叫我做白色的。

不過後來當然是甚麼色都混合一起啦~~~ 

+

分享我的做法:
* 1 cup (140g) 麵粉
* 1/2 cup (120ml) 熱水
* 1/4 cup 鹽
* 1 tbsp 塔塔粉 (cream of tartar)
* 1 tbsp 油
* 1 tbsp 檸檬汁(optional)
* 1 tsp 食用色素(如果用)

(這個份量可以做到照片中的兩團。)

將所有材料混合一起,搓到對的質感即好。如果黏手一邊搓一邊加點麵粉。

+

網上好多做法是要煮的!!完全不需要!!重點是熱水。我估西人家裡是沒有熱水的所以才想到要煮吧?(!)

+

第一次做黃色的我是用色素。但好 yucky 啊!個味很臭!(不過之後不覺。)我買的已經是「natural」!!所以呢!我是不會食加色素的東西!好嘔心。

今次用水煮紫薯皮十分鐘,然後隔走皮,用煮過的水溝落麵粉就得啦。

玩完我是會用密封膠盒裝住放進冰箱。從冰箱一拿出來會很硬,但過一陣就軟返㗎喇。

+

其他自製色素可以參考:



Monday, April 3, 2017

音樂


在公園見到幾個人在玩音樂;其中一個的樂器好特別。(照片外還有兩人玩不同的鼓。)

我們坐了下來欣賞。其中一個拿了兩個 shakers 給小豬,小豬就跟著音樂不停搖呀搖。

後來他們休場時,小豬就玩他們的鼓。見小豬玩得起勁,其中一人問可以拍下小豬玩嗎?因為常有人問他這個鼓是怎樣玩法,現在他可以給人看 video,小孩都可以玩的。

(慘的是,拍完右邊那張照片我的電話就沒位再拍照了。嗚~~ )

Saturday, April 1, 2017

人頭蛋蛋



小豬又病了,做了 silly 人頭蛋蛋給他。


#純粹煎完蛋覺得好似人頭就胡亂整